Mikil aukning umferðar í ár
heldur minni umferðaraukning síðustu mánuði
Umferðin í nýliðnum nóvember jókst um rúm fimm prósent frá sama mánuði í fyrra. Umferðin í ár er þegar orðin meiri en hún var allt árið í fyrra þannig að ljóst er að met verður slegið í ár. Reikna má með að umferðin í ár verði 7,5-8 prósentum meiri en í fyrra. Það er gríðarlega mikil aukning á milli ára.
Milli mánaða 2022 og 2023
Umferðin í nýliðnum mánuði jókst um 5,2% fyrir 16
lykilteljara Vegagerðarinnar á Hringvegi, miðað við sama mánuð á síðasta
ári. Við þessa aukningu var slegið nýtt met, í nóvemberumferð, fyrir
umrædda mælistaði.
Í ljósi tengsla milli umferðar og hagvaxtar, kann þessi aukning að virka mikil, þegar hafðar eru í huga aðgerðir Seðlabanka Íslands til að slá á umsvif efnahagslífsins með stýrivaxtahækkunum. En þegar hlutfallslegur munur milli mánaða er skoðaður fyrir árið í heild má greina tilhneigingu til minni umferðaraukningar eftir því sem líður á árið. Þá má einnig benda á að flest svæði, sýna litla breytingu eða samdrátt milli ára, en Suðurland sker sig úr með mikilli aukningu en þar mældist 12,2% aukning milli nóvember 2022 og nóvember 2023. Loks þarf að hafa í huga að góð veðurtíð, var í nýliðnum nóvember, sem sjálfkrafa hefur leitt til meiri umferðar, samkvæmt fyrri reynslu.
Frá áramótum
Þegar horft er á allt tímabilið frá áramótum, og það borið
saman við sama tímabil á síðasta ári kemur í ljós 7,8% aukning. Ef frá er
talinn ,,batinn“ eftir Covid-19 árið 2021, þarf að leita aftur til ársins 2017 til
að finna meiri aukningu miðað við árstíma.
Uppsöfnuð umferð, frá áramótum, hefur aukist á öllum landssvæðum eða mest um Suðurland (13,4%) en minnst um Austurland (5,2%).
Umferð eftir vikudögum
Frá áramótum hefur umferðin aukist í öllum vikudögum og
hlutfallslega mest hefur aukningin verið á mánudögum (9,9%) en minnst á
föstudögum (6,3%).
Mest hefur verið ekið á föstudögum og minnst á laugardögum.
Horfur út árið 2023
Þegar einn mánuður er eftir af árinu er orðið ljóst að nýtt
umferðarmet verður sett á Hringvegi á árinu, þar sem nú þegar hafa fleiri
ökutæki farið um Hringveginn, en fóru um hann allt síðasta ár.
Núna er lang líklegast að aukningin verði um 7,5 – 8,0% miðað við árið 2022.
