Ekki áður meiri umferð á Hringvegi í ágúst
Umferðin jókst um ríflega átta prósent milli ára í ágúst
Umferðin í ágúst á Hringveginum hefur ekki áður mælst meiri. Hún jókst um rúm átta prósent frá sama mánuði fyrir ári síðan en var eigi að síður heldur minni en umferðin í júlí. Nú má búast við að umferðin í ár aukist um 6-7 prósent á Hringveginum.
Milli mánaða
Nýtt umferðarmet, var sett í nýliðnum ágúst, um 16
lykilteljara Vegagerðarinnar á Hringvegi, en umferðin jókst um 8,1% miðað við sama
mánuð á síðasta ári. Alls fóru tæplega 122 þúsund ökutæki á sólarhring,
yfir mælisniðin 16 á hverjum einasta dagi í nýliðnum ágúst. Þetta er þó
ekki met, fyrir árið í heild, því umferðin í júlí var rétt tæplega 125 þús.
ökutæki á sólarhring.
Mest jókst umferð um Norðurland, eða um 12,6%, en minnst var aukningin um Austurland, eða um 5,3%.
Frá áramótum
Nú hefur umferðin aukist um 8,9%, frá áramótum. Mest
hefur umferðin aukist um Vesturland (9,1%) en minnst um Austurland (3,8%).
Umferð vikudaga
Umferð hefur aukist í öllum vikudögum og þá hlutfallslega
mest á mánudögum (11,6%) en minnst á sunnudögum (5,4%). Mest hefur verið ekið á
föstudögum en minnst á laugardögum.
Horfur út árið 2023
Nú stefnir í að umferðin geti aukist um 6 – 7%, miðað við árið
2022. Gangi sú spá eftir verður slegið nýtt met í umferð um Hringveginn og
um 34 milljónir ökutækja muni þá hafa farið yfir mælisniðin 16, í heild, árið
2023.
