Frá veðurfræðingi

Allt útlit er fyrir hríðarveður austanlands í dag fram yfir hádegi, frá Öxarfirði og austur á Fáskrúðsfjörð.  N 15-20 m/s, skafrenningur og lélegt skyggni, m.a. á Fagradal. Sviptivindar í Öræfum, hviður allt að 35-40 m/s nærri Svínafelli frá kl. 6 til 14.

Lokað á gatnamótum Skálholtsvegar og Skeiðavegar

Færð og aðstæður

Suðvesturland: Víðast greiðfært en hálkublettir á Mosfellsheiði  og á nokkrum öðrum leiðum.

Vesturland: Hálka, hálkublettir eða snjóþekja og sumstaðar skafrenningur. Holtavörðuheiði hefur verið lokað vegna óveðurs en hægt er að komast um Bröttubrekku ( 60) og Laxárdalsheiði (59).

Vestfirðir: Hálka, hálkublettir eða snjóþekja en þungfært á Þröskuldum og þæfingsfærð á Steingrímsfjarðarheiði. Klettsháls er ófær.

Norðurland: Víðast hálka, snjóþekja eða þæfingsfærð og éljagangur eða snjókoma.  Ófært er á Þverárfjalli og Siglufjarðaravegi og beðið með mokstur vegna veðurs. Þæfingsfærð er á Öxnadalsheiði, stórhríð og slæmt skyggni.

Norðausturland: Víða snjóþekja eða þæfingsfærð og snjókoma og skafrenningur. Ófært  er í Víkurskarði, á Hófaskarði en lokað yfir Mývatns- og Möðrudalsöræfi og Vopnafjarðarheiði.

Austurland:  Slæmt ferðaveður er á Austurlandi og víðast snjóþekja, þæfingur eða ófært. Lokað er á Fjarðarheiði vegna óveðurs og snjóþekja og stórhríð á Fagradal. Ófært er Vatnsskarði.

Suðausturland: Þar eru hálkublettir eða hálka og sumsstaðar skafrenningur. Mjög hvasst er í Öræfasveit og varasamt ferðaveður eins og er.

Suðurland:  Hringvegurinn er nánast auður en sumstaðar er nokkur hálka á öðrum vegum.