Frá veðurfræðingi

8. feb. kl. 11:10

Annar bakki úr norðri stefnir á landið N- og A-vert  fyrir kvöldið. 14-20 m/s, skafrenningur og hríðarveður með köflum fram á nótt  frá Holtavörðuheiði, norður og austur um á S-verða Austfirði.  Lægir heldur í Öræfum eftir hádegi, en aftur hviðuveður í fyrramálið.

Færð og aðstæður

Suðvesturland: Víðast greiðfært en hálkublettir og skafrenningur á Mosfellsheiði  og hálkublettir á nokkrum öðrum leiðum. Hvasst er á Kjalarnesi.

Vesturland: Hálka, hálkublettir eða snjóþekja og sumstaðar skafrenningur. Stórhríð er á Svínadal.

Vestfirðir: Hálka, hálkublettir eða  snjóþekja er á vegum og éljagangur og skafrenningur mjög víða. Mjög blint er á Steingrímsfjarðarheiði, Þröskuldum og fyrir norðan Króksfjarðarnes.

Norðurland: Víðast hálka eða snjóþekja og mjög víða skafrenningur.

Norðausturland: Snjóþekja eða hálka og víðast hvar skafrenningur. Þæfingsfærð er á Tjörnesi en þungfært er á Hólasandi og innansveitar í Vopnafirði.

Austurland:  Víðast hvar snjóþekja eða þæfingur og él og skafrenningur. Ófært er í Skriðdal, Hróarstungu og á Vatnsskarði eystra. Lokað er á Fjarðarheiði og á Fagradal.

Suðausturland: Hálkublettir eða hálka víðast hvar og sumsstaðar skafrenningur.

Suðurland: Hringvegurinn er nánast auður en sumstaðar er nokkur hálka eða hálkublettir á öðrum vegum. Skafrenningur er Lyngdalsheiði.