Færð og aðstæður
Suðvesturland: Víða greiðfært eða aðeins hálkublettir en hálka er þó m.a. á Hellisheiði.
Vesturland: Hálka, hálkublettir eða snjóþekja víðast hvar en þungfært er á Heydalsvegi.
Vestfirðir: Hálka eða hálkublettir á flestum leiðum, þæfingsfærð á fáeinum útvegum en þungfært er á Bjarnarfjarðarhálsi.
Norðurland: Víðast hálka eða hálkublettir en snjóþekja við utanverðan Tröllaskaga þar sem er skafrenningur. Éljagangur er við Eyjafjörð.
Norðausturland: Hálka og snjóþekja á flestum leiðum og víða éljagangur.
Austurland: Þæfingur og skafrenningur er á Fjarðarheiði. Eins er þæfingur í Skriðdal. Hálka og snjóþekja á flestum vegum og sumstaðar einhver skafrenningur eða él.
Suðausturland: Mikið autt á Hringveginum en hálka er á útvegum.
Suðurland: Hringvegurinn er nánast auður en sumstaðar er nokkur hálka á öðrum vegum, raunar flughált á Gaulverjabæjarvegi og á Villingaholtsvegi.
Ábending um hálkuvarnir
Kalt veður með stífri norðanátt hefur mótað aðstæður á vegum þannig að hálkuvörn binst illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
