Frá veðurfræðingi

7. febrúar kl. 19:00

Allt útlit er fyrir hríðarveður austanlands í nótt  og fram yfir hádegi, frá Öxarfirði og austur á Fáskrúðsfjörð.  N 15-20 m/s, skafrenningur og lélegt skyggni, m.a. á Fagradal. Sviptivindar í Öræfum, hviður allt að 35-40 m/s nærri Svínafelli frá kl. 6 til 14.

Færð og aðstæður

Suðvesturland: Víðast greiðfært eða aðeins hálkublettir en hálka er þó m.a. á Hellisheiði.

Vesturland: Hálka, hálkublettir eða snjóþekja og sumstaðar skafrenningur.

Vestfirðir: Hálka eða hálkublettir á flestum leiðum, þæfingsfærð á fáeinum útvegum en þungfært er á Bjarnarfjarðarhálsi.

Norðurland: Víðast hálka eða hálkublettir en þæfingsfærð er á Þverárfjalli og  á Siglufjarðarvegi utan Fljóta og skafrenningur. Éljagangur er við Eyjafjörð og ansi blint á köflum.

Norðausturland: Hálka og snjóþekja á flestum leiðum, víða éljagangur og slæmt skyggni á köflum. Víkurskarð er nú þungfært og mokstri hefur verið hætt vegna veðurs. Þæfingsfærð er yfir Öræfin og hríðarveður.

Austurland:  Hálka og snjóþekja á flestum vegum og sumstaðar einhver skafrenningur eða él. Ófært er á Vatnsskarði eystra en þungfært á Skriðdal og í Hróarstungu. 

Suðausturland: Mikið autt á Hringveginum en hálka er á útvegum.

Suðurland:  Hringvegurinn er nánast auður en sumstaðar er nokkur hálka á öðrum vegum.