Færð og aðstæður
Suðvesturland: Víða greiðfært en hálka er á Hellisheiði, Krýsuvíkurvegi og á Kjósarskarðsvegi, hálkublettir eru á Mosfellsheiði, á Vatnsleysuströnd og á sunnanverðu Reykjanesi. Bláfjallavegur er þungfær.
Vesturland: Hálka, hálkublettir eða snjóþekja víðast hvar en þæfingur er á Bröttubrekku og ófært er um Álftafjörð.
Vestfirðir: Víðast hvar hálka eða snjóþekja. Hvasst er víða og nokkur skafrenningur. Þæfingsfærð er á útvegum á sunnanverðum Vestfjörðum en þungfært er á Klettshálsi og Bjarnarfjarðarháls.
Norðurland: Hálka á flestum leiðum en snjóþekja er á útvegum. Skafrenningur er nokkuð víða en éljagangur er í Eyjafirði. Þæfingur og snjókoma er frá Ketilás í Siglufjörð.
Norðausturland: Hálka og snjóþekja á flestum leiðum og víða éljagangur en þæfingur er á Hófaskarði. Þungfært er á kafla innansveitar í Vopnafirði
Austurland: Hálka, sjóþekja og skafrenningur er á Héraði en hálka er suður með ströndinni.
Suðausturland: Víða greiðfært en hálka er á Mýrdalssandi og hálkublettir eru frá Höfn í Gígjukvísl, víða er nokkuð hvasst.
Suðurland: Víða greiðfært en hálka eða hálkublettir á nokkrum útvegum. Snjóþekja og skafrenningur er á Lyngdalsheiði.
Ábending til vegfarenda
Kalt veður með stífri norðanátt hefur mótað aðstæður á vegi þannig að hálkuvörn binst illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
