Hvalfjarðargöng

Unnið verður í Hvalfjarðargöngum í kvöld og nótt, aðfaranótt 7. febrúar frá kl. 22:00 og fram undir morgun vegna hreinsunar á vegbúnaði.

Vegfarendur eru beðnir um að sína aðgát og tillitsemi.   

Færð og aðstæður

Suðvesturland: Víða greiðfært en hálka er á Hellisheiði og á Mosfellsheiði en hálkublettir á Þrengslum og á Vatnsleysuströnd. Bláfjallavegur eru ófærir en flughálka er á Kjósarskarði.

Vesturland: Hálka, hálkublettir eða snjóþekja víðast hvar en ófært er um Álftafjörð.

Vestfirðir: Víðast hvar hálka eða snjóþekja. Hvasst er víða og nokkur skafrenningur. Þæfingsfærð er á útvegum á sunnanverðum Vestfjörðum og þungfært er um Bjarnarfjarðarháls.

Norðurland: Hálka eða hálkublettir á flestum leiðum en snjóþekja er á útvegum. Skafrenningur er nokkuð víða en éljagangur er í Eyjafirði.  Þæfingur er í Dalsmynni.

Norðausturland: Hálka á flestum leiðum og víða skafrenningur. Þungfært er á kafla innansveitar í Vopnafirði og ófært er um Hólasand.

Austurland: Hálka eða snjóþekja víðast hvar. Snjóþekja og éljagangur er suður með ströndinni. 

Suðausturland: Snjóþekja, hálka eða hálkublettir víðast hvar. Hvasst er við Sandfell í Öræfum. 

Suðurland: Víðast hvar hálka eða hálkublettir og nokkuð hvasst. Flughálka er á Landvegi og víða í Landeyjum.