Frá veðurfræðingi

5. febrúar kl. 07:30 - Lítur: Appelsínugulur.

Það hefur hlánað og því eru minni líkur á skafrenningi.  Hvessir hins vegar sunnan til í dag.  Austan 23-28 m/s undir Eyjafjöllum og í Mýrdal.  Hviður allt að 50 m/s frá um kl. 13-14. Veðrið nær hámarki um kl. 19 en svo lægir um miðnætti. Í Öræfum verður byljótt við Sandfell frá um kl. 15 og fram á nótt. 

Lokanir og horfur

Hellisheiði og Þrengsli: Líkleg lokun um kl. 16:00 í dag - Líkleg opnun: 01:00 e. miðnætti.

Möguleg hjáleið: Suðurstrandarvegur um Grindavík.

Hvolsvöllur – Vík: Búið er að loka milli Hvolsvallar og Víkur. - Líkleg opnun:  kl 01:00 e. miðnætti.

Skeiðarársandur (frá Núpsstað), Öræfi og að Höfn: Líkleg lokun kl. 14.00 i dag - Líkleg opnun:  kl. 06:00 í fyrramálið (6. feb.)

Kjalarnes: Óvissustig frá um kl. 18:00 í dag til um kl. 01:00 e. miðnætti.

Færð og aðstæður

Suðvesturland: Allvíða hálka eða hálkublettir. Hvasst á Kjalarnesi. Skafrenningur er á Hellisheiði og í Þrengslum. Bláfjallavegur er þungfær.

Vesturland: Hálka eða snjóþekja og sumstaðar skafrenningur. Þæfingsfærð er á Mýrunum.

Vestfirðir: Víðast hvar hálka á vegum og sumstaðar skafrenningur, ekki síst á fjallvegum. Þæfingsfærð er á Bjarnarfjarðarhálsi en þungfært er norður í Árneshrepp.

Norðurland: Hálka eða hálkublettir á flestum aðalleiðum en víða snjóþekja á útvegum.

Norðausturland: Hálka flestum vegum. Þungfært er á kafla innansveitar í Vopnafirði. 

Austurland: Hálka eða snjóþekja víðast hvar og sumstaðar ofankoma.

Suðausturland: Hálkublettir og hálka.

Suðurland: Víða hálkublettir eða hálka og sumstaðar snjóþekja. Skafrenningur er við Þingvelli og á Lyngdalsheiði. Ófært er austan við Þingvallavatn milli Lyngdalsheiðarvegar og Írafoss en þæfingsfærð nær Þingvöllum. Lokað er milli Hvolsvallar og Víkur.