Eldri tilkynningar

Sverrir Unnsteinsson 4.2.2019 12:19

Ábending til vegfarenda

Kalt veður með stífri norðanátt hefur mótað aðstæður á vegi þannig að hálkuvörn binst illa við yfirborð vegar.  Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið  hált áfram þrátt fyrir hálkuvarnir.

Færð og aðstæður

Yfirlit: Vetrarfærð er víðast hvar á landinu, hálka, hálkublettir eða snjóþekja á vegum. Búið er að loka veginum um Hvalnes- og Þvottárskriður vegna snjóflóðahættu. Kalt er í veðri og stillt víðast hvar.

Höfuðborgarsvæðið: Hálka eða hálkublettir eru á flestum stofnbrautum.

Suðvesturland: Hálka eða hálkublettir á langflestum leiðum. Þokuloft er á Reykjanesbraut. 

Vesturland: Hálka á flestum leiðum.

Vestfirðir: Víðast hvar hálka á vegum en þæfingsfærð er norður í Árneshrepp.

Norðurland: Hálka eða hálkublettir á flestum aðalleiðum og víða snjóþekja á útvegum.

Norðausturland: Hálka eða snjóþekja á flestum vegum. Þungfært er á Hlíðarvegi milli Axlar og Eyvindarstaða. 

Austurland: Hálka eða snjóþekja víðast hvar. Búið er að loka veginum um Hvalnes- og Þvottárskriður vegna snjóflóðahættu og þæfingur er milli Hafnar og Hvalness.

Suðausturland: Hálka eða snjóþekja á vegum og einhver éljagangur.

Suðurland: Víðast hvar hálka eða snjóþekja. 

Framkvæmdir á Suðurlandsvegi

Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.

Vaðlaheiðargöng

Leiðbeiningar um verð og greiðsluleiðir er að finna á vefnum https://www.veggjald.is/