Ábendingar frá veðurfræðingi 4. feb. kl. 18:15

Varað er við lélegu skyggni þegar lausamjöllin fer af stað í fyrramálið, víða SV-lands og austur með suðurströndinni. M.a. á Kjalarnesi, Suðurlandsvegi ofan Rvk. sem og í efri byggðum Hbsv. Hlánar á láglendi neðan 200 m. og hætt er við flughálku. Hvessir enn frekar upp úr hádegi. 

Áætlun um lokanir á vegum vegna veðurs 5. og 6. febrúar 2019.

Búast má við að eftirfarandi vegir lokist eða verði ófærir vegna veðurs þriðjudaginn 5. og miðvikudaginn 6. febrúar meðan veður sem spáð er gengur yfir.

Hvolsvöllur – Vík

Lokun kl. 12:00. 5. feb. 

Líkleg opnun:  kl 04:00 6. feb.

Skeiðarársandur og Öræfasveit  (Núpsstaður-Höfn)

Lokun kl. 16:00 5. feb.  

Líkleg opnun:  kl 10:00 6. feb.

Ábending til vegfarenda

Kalt veður með stífri norðanátt hefur mótað aðstæður á vegi þannig að hálkuvörn binst illa við yfirborð vegar.  Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið  hált áfram þrátt fyrir hálkuvarnir.

Færð og aðstæður

Yfirlit: Vetrarfærð er víðast hvar á landinu, hálka, hálkublettir eða snjóþekja á vegum. Búið er að loka veginum um Hvalnes- og Þvottárskriður vegna snjóflóðahættu. Kalt er í veðri og stillt víðast hvar.

Höfuðborgarsvæðið: Hálka eða hálkublettir eru á flestum stofnbrautum.

Suðvesturland: Hálka eða hálkublettir á langflestum leiðum.

Vesturland: Hálka á flestum leiðum. Skafrenningur er við Hafursfell. 

Vestfirðir: Víðast hvar hálka á vegum en þæfingsfærð er norður í Árneshrepp. Skafrenningur er á nokkrum fjallvegum og éljagangur á Ströndum. 

Norðurland: Hálka eða hálkublettir á flestum aðalleiðum og víða snjóþekja á útvegum.

Norðausturland: Hálka flestum vegum. Þungfært er á Hlíðarvegi milli Axlar og Eyvindastaða. 

Austurland: Hálka eða snjóþekja víðast hvar en þæfingur er milli Hafnar og Hvalness. Búið er að opna Þjóðveg 1 um Hvalnes- og Þvottárskriður. 

Suðausturland: Hálka eða snjóþekja á vegum og einhver éljagangur.

Suðurland: Víðast hvar hálka eða snjóþekja.