Ráðgjöf og eftirlit með vetrarþjónustu á Suðursvæði 2023-2025
Opnun tilboða 31. október 2023. Ráðgjöf og eftirlit með vetrarþjónustu á
Suðursvæði veturna
2023-2024 og 2024-2025. Um er að ræða eftirtalin svæði: Reykjanes,
Höfuðborgarsvæðið, Vesturlandsvegur, Hvalfjarðarvegur og Þingvallavegur,
Hellisheiði og Þrengslavegur.
Verkið felst í gæðaeftirliti með hreinsun á snjó og krapa af vegum, vegköntum, gatnamótum
og öðrum þeim mannvirkjum sem tilheyra veginum svo og eftirliti með hálkuvörn á
vegyfirborði, mælingum á ástandi vegyfirborðs og upplýsingagjöf til vaktstöðvar um
færðarástand og veður. Einnig felur verkið í sér ráðgjöf um nýtingu tækjaflota
vetrarþjónustuverktaka.
Áætlaður akstur eftirlitsbifreiðar er 22.000 km og vinnutími fyrir hvort tímabilið 2.928 klst.
Gildistími samnings er til 31. mars 2025. Heimild er til framlengingar samnings í allt að tvö ár, eitt ár í senn.
Bjóðandi | Tilboð kr. | Hlutfall | Frávik þús.kr. |
Garðaþjónusta Sigurjóns ehf., Reykjavík | 99.704.000 | 155,8 | 39.010 |
Grafa og Grjót ehf., Hafnarfirði | 94.456.000 | 147,6 | 33.762 |
Ísrefur ehf., Akureyri | 76.460.800 | 119,5 | 15.767 |
Malbikstöðin ehf., Mosfellsbæ | 74.092.800 | 115,8 | 13.399 |
Garðlist ehf., Reykjavík | 69.070.336 | 107,9 | 8.377 |
Áætlaður verktakakostnaður | 63.988.800 | 100,0 | 3.295 |
Heflun ehf., Lyngholti | 62.668.800 | 97,9 | 1.975 |
Colas Ísland ehf., Hafnarfirði | 60.693.600 | 94,9 | 0 |