Lyngdalsheiðarvegur, eftirlit (seinni opnun)
Vegagerðin óskar eftir tilboðum í eftirlit með gerð Lyngdalsheiðarvegar (365) milli Laugarvatns og Þingvalla.
Verkið felst í gerð nýs Lyngdalsheiðarvegar (365) á milli Þingvallavegar og Laugarvatnsvegar. Lengd útboðskaflans er um 15 km. Einnig á að gera um 1,7 km langa vegtengingu frá Lyngdalsheiðarvegi að núverandi Gjábakkavegi. Á mótum Lyngdalsheiðarvegar og Laugarvatnsvegar skal gera hringtorg, á mótum Lyngdalsheiðarvegar og Þingvallavegar skal gera T-gatnamót og á Lyngdalsheiðarvegi skal gera tvo áningarstaði.
Val bjóðanda fer fram á grundvelli hæfnivals og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Verkinu öllu skal að fullu lokið fyrir 15. október 2010.
Útboðsgögn verða seld hjá Vegagerðinni Breiðumýri 2 á Selfossi og Borgarúni 7 í Reykjavík (móttaka), frá og með mánudeginum 7. apríl 2008. Verð útboðsgagna er 8.000 kr.
Skila skal tilboðum á sömu stöðum fyrir kl. 14:00 þriðjudaginn 20. maí 2008 og verða þau opnuð þar kl. 14:15 þann dag og lesið upp hverjir hafa skilað inn tilboðum.
Síðari opnunarfundur verður þriðjudaginn 27. maí 2008 kl. 14:15 þar sem lesnar verða upp einkunnir bjóðenda í hæfnimati og verðtilboð opnuð.
Seinni opnunarfundur, 27. maí 2008.
| Bjóðandi | Hæfimat | Tilboð kr. |
| Áætlaður verktakakostnaður | 25.921.000 | |
| Almenna verkfræðistofan, Reykjavík | 39 | Verðtilboð ekki opnað. |
| Línuhönnun hf., verkfræðistofa, Reykjavík | 42 | 30.800.000 |
| VSÓ Ráðgjöf ehf., Reykjavík | 42 | 20.000.000 |
| VST Rafteikning | 37 | Verðtilboð ekki opnað. |
