Kortlagning á umferðarhávaða 2022
Vegagerðin, Umhverfisstofnun og sveitarfélögin Akureyri, Árborg, Garðabær, Hafnarfjörður, Hveragerðisbær, Kópavogur, Mosfellsbær og Reykjavík, bjóða hér með út kortlagningu á umferðarhávaða skv. reglugerð 1000/2005 um kortlagningu á hávaða og gerð aðgerðaáætlana. Kortlagning skal gerð með aðferðafræði CNOSSOS og skal gerð grein fyrir niðurstöðum kortlagningar í greinargerð.
Verkið er samstarfsverkefni Vegagerðarinnar, Umhverfisstofnunar og sveitarfélaganna sem eru talin upp hér að framan og skal því að fullu lokið 31. maí 2024.
Val bjóðanda fer fram á grundvelli hæfismats og á grundvelli matsþátta og verðs . Ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Útboðsgögnin eru aðgengileg og verða afhent í rafræna útboðskerfinu TendSign frá og með föstudeginum 8. desember 2023 og skal tilboðum skilað rafrænt í því útboðskerfi fyrir kl. 14:00 þriðjudaginn 9. janúar 2024.
Ekki verða haldnir sérstakir opnunarfundir en eftir lok tilboðsfrests verður bjóðendum tilkynnt um nöfn bjóðenda í útboðinu. Þann 16. janúar 2024 verður bjóðendum tilkynntar niðurstöður stigagjafar og verðtilboð hæfra bjóðenda.
Útboðið er auglýst á Evrópska efnahagssvæðinu.
Leiðbeiningar fyrir útboðsvefinn TendSign
