Vinstri beygja af Hafnarvegi inn á Reykjanesbraut bönnuð
bráðabirgðahindranir settar upp viðeigandi skilti
Vegagerðin hefur ákveðið að banna vinstri beygju til norðurs af Hafnarvegi (44) inn á Reykjanesbraut (41). Í dag föstudag 22. júlí hefur verið unnið við að koma upp viðeigandi umferðarmerkjum og hindrunum sem gera ökumönnum erfitt fyrir að ná þessari vinstri beygju. Umferð sem ætlar til norðurs á Reykjanesbraut af Hafnarvegi þarf því að fara um hringtorg við Fitjar og snúa þar við.
Á næstunni er fyrirhugað að bjóða út framkvæmdir við undirgöng undir Reykjanesbraut fyrir gangandi og hjólandi vegfarendur við vegamótin og verður umferð þá beint um framhjáhlaup á meðan framkvæmdum stendur. Verður þá jafnframt lokað fyrir vinstri beygju af Reykjanesbraut inn á Hafnarveg til suðurs og þarf umferð því að fara um hringtorg við Grænás og snúa þar við.
Hindranirnar vegna vinstri beygjubannsins eru til bráðabirgða en framtíðarfyrirkomulagi með banni á beygjunni til vinstri verður komið upp samhliða byggingu undirganganna, eða þegar framhjáhlaupið verður fjarlægt.