Fréttir
Hraunavinir alltaf velkomnir á fund
Voru boðnir velkomnir í Vegagerðina í dag
Mótmælendur í Garðahrauni voru boðnir velkomnir á fund hjá Vegagerðinni í dag. Það er ekki rétt að beiðnir mótmælenda um fund hafi verið hundsaðar. Síðastliðinn miðvikudag var haldinn fundur með stórum hópi mótmælenda í húsakynnum Vegagerðarinnar.
Ekki þekktust mótmælendur boð um fund í dag, þriðjudag, en á fundinum á miðvikudaginn í síðustu viku var farið yfir mismunandi sjónarmið. Ólíklegt er að ný yfirferð breytti miklu þar sem afstaða aðila hefur ekki breyst á þessum fáu dögum.
Vegagerðin fór í gær yfir sín sjónarmið meðal annars í þessari frétt hér á heimasíðunni.