Aukin umferð á höfuðborgarsvæðinu í febrúar
mikil aukning þótt ekki sé hún eins mikil og á Hringveginum
Umferðin á höfuðborgarsvæðinu jókst mikið í nýliðnum ferbrúar mánuði rétt einsog reyndin var með Hringveginn. Aukningin í þremur mælisviðum Vegagerðarinnar nemur 3,3 prósentum í febrúar. Aukning varð enn meiri í janúar.
Þannig nemur aukningin á árinu 4,8 prósentum og hefur aksturinn fyrstu tvo mánuðina á höfuðborgarsvæðinu ekki verið meiri síðan metárið 2008
Milli mánaða 2012 og 2013
Akstur innan höfuðborgarsvæðisins tekur mikinn kipp upp á við ef marka má þrjú mælisnið Vegagerðarinnar innan höfuðborgarsvæðisins. Aksturinn jókst um 3,3% milli febrúarmánaða. Áður hafði aksturinn aukist um 6,4% milli janúarmánaða. Rétt eins og á Hringveginum hefur orðið mikil aukning í umferðinni á höfuðborgarsvæðinu.
Umferðin eykst mest á Reykjanesbraut og Vesturlandsvegi eða 4,3- og 4,4% en minni aukning á sér stað á Hafnarfjarðarvegi eða 0,6%.
Frá áramótum milli árana 2012 og 2013
Það sem af er ári hefur aksturinn á höfuðborgarsvæðinu um áður nefnd þrjú mælisnið aukist um 4,8% og hefur aksturinn ekki verið meiri síðan met árið 2008.