Fréttir
Loftorka bauð lægst
í lagningu nýs Álftanesvegar
Loftorka Reykjavík ehf átti lægsta tilboð í gerð Álftanesvegar (415), milli Hafnarfjarðarvegar og Bessastaðavegar. Tilboð voru opnuð í dag, 18. september. Tilboð Loftorku nam tæpum 660 milljónum króna og var 76 prósent af áætluðum verktakakostnaði upp á 865 milljónir króna.
ÍAV hf átti næstlægsta boð upp á 746 milljónir króna, alls bárust fimm tilboð í verkið. Það skiptist í þrjá verkáfanga en skal að fullu lokið eigi síðar en 1. júlí 2014. Verkið hafði áður verið boðið út en þá var hætt við útboðið vegna efnahagsástandsins.