Fréttir
Snyrtilegasta umhverfi stofnunar í Skagafirði
Vegagerðin fær viðurkenningu í annað sinn í ár
Á dögunum fékk Vegagerðin á Sauðárkróki umhverfisviðurkenningu Sveitarfélagsins Skagafjarðar fyrir snyrtilegasta umhverfi stofnunar. Um er að ræða samstarfsverkefni sveitarfélagsins og Soroptimistaklúbbs Skagafjarðar.
Þetta var í sjöunda sinn sem viðurkenningar voru veittar en öll framkvæmdin hvílir á herðum kvenna í klúbbnum. Vegagerðarmenn á Sauðárkróki þakka kærlega viðurkenninguna en þetta er í annað sinn í ár sem Vegagerðin hlýtur viðurkenningu. Nýlega fékk Vegagerðin í Borgarnesi viðurkenningu fyrir snyrtilegustu lóð við atvinnuhúsnæði.
Sýnir að vegagerðarmenn kunna líka að taka til í kringum sig og halda umhverfi sínu snyrtilegu.
