Suðurlandsvegur ekki opnaður á hádegi
vegna flóðanna í gærkvöldi og nótt
Ljóst er að Hringvegurinn við Markarfljót verður ekki opnaður á hádegi eins og stefnt var að. Vegna flóðanna í gærkvöldi og í nótt hafa skapast nýjar aðstæður. Vegagerðin er að kanna skemmdirnar og aðstæður á þessu svæði og skoða leiðir til að opna veginn. Einnig stöðu varnargarða en tryggja þarf að flóðavatn fari sem mest undir Markarfljótsbrúna í stað þess að berja á veginum austan brúarinnar.
Nánar verður að frétta af því á næstu klukkustundum. Lögð er áhersla á að halda opinni neyðarleið yfir gömlu Markafljótsbrúna.
Neyðarleiðin er nú opin (kl 9:30) en lokað er fyrir alla almenna umferð.
Varnargarðar við Markarfljót: (Pdf-mynd, hægt að stækka myndina með því móti)