Vel heppnuð ráðstefna um rannsóknir Vegagerðarinnar

Metþáttaka á sjöundu ráðstefnunni

13.11.2008

Aldrei áður hafa jafn margir sótt árlega ráðstefnu Vegagerðarinnar um rannsóknir og nú í ár en 171 þátttakandi var skráður á þessa sjöundu ráðstefnu sem haldin var þann 7. nóvember síðastliðinn. Þar var fjallað um til dæmis breikkun vega, þróun þungaumferðar, stofnbrautir hjólreiða, umferðaröryggi á hálendinu, tíðni aftakaatburða í framtíðarveðri, skipulagsáætlanir og þjóðvegi svo nokkur dæmi séu tekin.

Á ráðstefnunni voru kynnt 19 verkefni sem hafa fengið styrk úr rannsóknasjóði Vegagerðarinnar á þessu og síðasta ári. Það er þó aðeins hluti af þeim fjölda verkefna sem fá styrk, en á hverju ári undanfarið hefur ríflega 100 milljónum króna verið veitt í yfir 100 verkefni. Umsóknir hafa þó alltaf verið mun fleiri og oft þurft að hafna góðum verkefnum.

Í vegalögum er bundið að 1,5 % af mörkuðum tekjum stofnunarinnar skuli renna til rannsókna og þróunar. Gert hefur verið ráð fyrir að þessi lagabókstafur verði virkur við endurskoðun á 4 ára samgönguáætlun og því hefðum við úr fleiri krónum að spila við úthlutun í febrúar 2009 en áður. Á óvissutímum sem nú eru, gæti þó orðið einhver samdráttur í þessu, en ekki er búist við frekari niðurskurði, enda ekki síður mikilvægt að stunda rannsóknir á krepputímum en öðrum tímum.

Skýrslur og niðurstöður rannsókna eru birtar hér á vefnum jafnóðum og þær liggja fyrir:

Upplýsingar og útgáfa => Rannsóknarskýrslur

Nú er hægt að nálgast ágrip af erindum á ráðstefnunni og einnig hægt að skoða glærur sem fyrirlesarar notuðu, sjá hér fyrir neðan.

Dagskrá ráðstefnunnar með erindum og ágripum:

Dagskrá:
08:00-09:00	Skráning
09:00-09:15	Setning (Þórir Ingason, Vegagerðinni)
Mannvirki
09:15-09:30	Klór í steyptum brúargólfum undir malbiki (Gísli Guðmundsson, Mannviti) - ágrip
09:30-09:45	Hönnun breikkana - Breikkun og styrking vega með bundnu slitlagi (Kristján Kristjánsson, Vegagerðinni) - ágrip
09:45-10:00	Vegrið og vegbúnaður, valkostir og kröfur (Daníel Árnason, Vegagerðinnni) - ágrip
10:00-10:15	Tilraunakaflar með klæðingu á Vestfjörðum (Pétur Pétursson, NMÍ) - ágrip
10:15-10:25	Umræður og fyrirspurnir
10:25-10:55	Kaffi
Umferð
10:55-11:10	Háannatímalíkan 2007 (Smári Ólafsson, VSÓ) - ágrip
11:10-11:25	Þróun þungaumferðar á þjóðvegum (Skúli Þórðarson, Vegsýn) - ágrip
11:25-11:40	Stofnbrautir hjólreiða - rýni áætlana (Sverrir Bollason, VSÓ) - ágrip
11:40-11:55	Óhappatíðni eftir breidd og langhalla vega (Haraldur Sigþórsson, EFLA verkfræðistofa) - ágrip
11:55-13:00	Matur
13:00-13:15	Umferðaröryggi á hálendinu: Kárahnjúkavegur (Guðmundur Freyr Úlfarsson, HÍ og Þórarinn Hjaltason, Almennu verkfræðistofunni) - ágrip
13:15-13:30	Athugun á slysum þar sem ekið hefur verið á ljósastaura (Auður Þóra Árnadóttir, Vegagerðinni) - ágrip
13:30-13:45	Hægri beygjur af þjóðvegum (Bryndís Friðriksdóttir, EFLA verkfræðistofa) - ágrip
13:45-13:55	Umræður og fyrirspurnir
Umhverfi
13:55-14:10	Hálendisvegir, sjónræn áhrif og vegstaðlar fyrir útivistarvegi á hálendinu (Ragnar Frank Kristjánsson, LbHÍ, Snævarr Guðmundsson, nemi HÍ) - ágrip
14:10-14:25	Ferðamannaleiðir - ferðamannavegur - skilgreining (Fríða Björg Eðvarðsdóttir, VSÓ) - ágrip
14:25-14:40	Tíðni aftakaatburða í framtíðarveðurfari (Haraldur Ólafsson, HÍ og Veðurstofunni)
14:40-14:55	Efnarafall til framleiðslu á orku fyrir mælistöðvar (Nicolai Jónasson, Vegagerðinni) - ágrip
14:55-15:25	Kaffi
15:25-15:40	Tengsl umhverfismats áætlana og mats á umhverfisáhrifum framkvæmda (Ásdís Hlökk Theódórsdóttir, Háskólanum í Reykjavík) - ágrip
15:40-15:50	Umræður og fyrirspurnir
Samfélag
15:50-16:05	Skipulagsáætlanir og þjóðvegir (Salvör Jónsdóttir, Alta) - ágrip
16:05-16:20	Verklagsreglur og áhættuviðmið vegna snjóflóða á þjóðvegum (Árni Jónsson, Orion) - ágrip
16:20-16:35	Mannaflaþörf og tækjanotkun í vegagerð (Jón Þorvaldur Heiðarsson, Háskólanum á Akureyri) - ágrip
16:35-16:50	Samgönguáætlun og framtíðarþróun í samgöngumálum (Dagur B. Eggertsson, formaður samgönguráðs)
16:50-17:00	Umræður og fyrirspurnir / Ráðstefnuslit