"Slegið í gegn" í Héðinsfjörð
Samgönguráðherra sprengir í Héðinsfjarðargöngum
Nú er fært í Héðinsfjörð í gegnum Héðinsfjarðargöngin. Samgönguráðherra sprengdi á fimmtudag málamynda sprengingu í tilefni þess að fyrir stuttu komst verktakinn Háfell og Metrostav í gegn styttri hluta ganganna Siglufjarðarmegin.
Héðinsfjörður tók á móti fólki með snjófjúki eftir "sprenginguna" en með í för samgönguráðherra voru tveir fyrrverandi samgönguráðherrar.
Sjá einnig hér á vef Vegagerðarinnar allt um framkvæmdina. En nú er búið að slá í gegn Siglufjarðarmegin en sá hluti ganganna er 3,7 km en Ólafsfjarðarmegin eru göngin tæpir 7 km. Búið er að sprengja 2,7 km þeim megin.
Inn í Héðinsfjarðargöngum, "sprenging" undirbúin
Kristján Möller samgönguráðherra, Hreinn Haraldsson framkvæmdastjóri, Jón Rögnvaldsson vegamálastjóri og Gunnar Gunnarsson aðstoðarvegamálastjóri
Við munnann í Héðinsfirði
Í Héðinsfirði, Jón Rögnvaldsson vegamálastjóri og samgönguráðherrarnir Sturla Böðvarsson, Kristján Möller og Halldór Blöndal
Snjófjúk, Rögnvaldur Gunnarsson og Sigurður Oddsson
Alþingismaðurinn Siv Friðleifsdóttir mundar myndavélina
Skeggrætt, Halldór Blöndal, Jón Rögnvaldsson, Gunnar Gunnarsson og Guðmundur Heiðreksson