Fjölsóttur fundur á Hornafirði
Um 100 manns mættu á kynningu á niðurstöðum frummatsskýrslu
Vegagerðin og VSÓ ráðgjöf kynntu niðurstöður frummatsskýrslu um Hringveg um Hornafjörð á fjölsóttum fundi á mánudaginn var þann 25. febrúar. Um 100 manns sóttu fundinn og var kom fram fjöldi athugasemda.
Um er að ræða 11-18 km vegalagningu og nýja brú yfir Hornafjarðarfljót. Þrjár leiðir eru metnar, leiðir 1, 2 og 3. Vegagerðin mælir með leið 1. En nær allir á kynningarfundinum á Höfn gagnrýndu leiðarvalið og töldu leið 3 besta. Áfram er unnið að málinu og verður tekið tillit til athugasemdanna í matsskýrslunni. Athugasemdafrestur er til 7. mars og skal skila þeim inn til Skipulagsstofnunar á netfangið skipulag@skipulag.is
Markmið Vegagerðarinnar eru:
- Greiðar samgöngur með góðri þjónustu
- Hagkvæm uppbygging og rekstur vegakerfisins
- Umferðaröryggi sé á við það sem best gerist
- Góð sambúð vegar og umferðar við umhverfi og íbúa
- Vel skipulögð og skilvirk starfsemi
- Ánægt, hæft og gott starfsfólk
Í ljósi þessara markmiða mælir Vegagerðin með leið 1.
Frekari upplýsingar er að finna hér á vefnum.
Kort yfir leiðirnar sem metnar eru:
Myndir frá fundinum
