Fréttir
Rögnvaldur Jónsson fékk Svaninn
Svanurinn er heiðursverðlaun Norræna vegtæknisambandsins
Rögnvaldur Jónsson hóf störf hjá Vegagerðinni 1967. Hann lét til sín taka hjá Norræna vegtæknisambandinu fyrst á árinu 1978 sem ritari nefndar 33 sem fjallar um bundið slitlag. Þar var hann ritari til áramótanna 1994-1995 þegar hann varð ritari Íslands í NVF samstarfinu. Hann hefur alla tíð haft mikinn áhuga á norrænu samstarfi og unnið af krafti því til framdráttar. Það var Jukka Hirvelä formaður NVF sem afhenti Rögnvaldi Svaninn, heiðursverðlaun Norræna vegtæknisambandsins.