Kynning fyrirhugaðrar framkvæmdar á Hringvegi í Skriðdal
Vegagerðin fyrirhugar að enduruppbyggja um 4,3 km langan kafla af Hringvegi í Skriðdal og setja ræsi í Haugaá og Vatnsdalsá í stað einbreiðra brúa sem þar eru í dag.
Framkvæmdarsvæðið er á Hringvegi, vegnúmer 1, um 36 km sunnan við Egilsstaði. Vegurinn verður endurbyggður frá Haugaá og að norðurenda Skriðuvatns. Ræsi verður sett í Vatnsdalsá 200 m neðar í ánni en núverandi brú er og verður vegurinn færður til á um 0,7 km kafla. Einnig verður varasöm beygja við norðurenda Skriðuvatns lagfærð. Með framkvæmdinni munu tvær einbreiðar brýr og hættulegar beygjur hverfa.
Markmið framkvæmdarinnar er að auka umferðaröryggi á Hringvegi í Skriðdal og tryggjagreiðari samgöngur. Vegurinn verður 7,5 m breiður með 7,3 m breiðri klæðingu.
Kynningarskýrslu og nánari upplýsingar má fá á vefnum undir Kynning framkvæmda á Norðaustursvæði
