Fréttir
Samningur Vegagerðar og iðnaðarráðuneytis um Bakka
samningar undirritaðir á Húsavík
Þann 17. september undirritaði iðnaðar- og viðskiptaráðherra og svæðisstjóri Vegagerðarinnar saming um gerð vegtengingar milli Húsavíkurhafnar og iðnaðarsvæðisins á Bakka. Ragnheiður Elín Árnadóttir iðnaðar- og viðskiptaráðherra og Gunnar H. Guðmundsson svæðisstjóri Vegagerðarinnar á norðursvæði undirrituðu samninginn á Húsavík.
Í samningnum segir: "Ráðherra felur Vegagerðinni að annast tæknilegan undirbúning ásamt útboði og stjórn framkvæmda við byggingu vegtengingar á milli Húsavíkurhafnar og iðnaðarsvæðis á Bakka við Húsavík, þar með talið gerð jarðganga undir Húsavíkurhöfða, samkvæmt nánari ákvæðum í samningi þessum."
Í vikunni voru opnuð tilboð um þessa framkvæmd, sjá frétt hér.
Um er að ræða 943 m löng jarðgöng 10,8 m breið, styrkingu ganganna og rafbúnað þeirra auk 49 m vegskála. Vegagerðin er um 2,1 km af vegi ásamt brimvörn, utan ganganna. Verkinu skal lokið 20. ágúst 2017.