Hóflegri aukning umferðar á höfuðborgarsvæðinu en met samt
mesta umferð í október
Umferðin á höfuðborgarsvæðinu hefur ekki áður verið meiri í október en í nýliðnum október mánuði. Umferðin jókst um 4,3 prósent frá því í október í fyrra og er töluvert minni aukning en úti á Hringveginum. Nú lítur út fyrir að umferðin í ár geti orðið um 6,5 prósentum meiri en í fyrra og yrði það mesta ársaukning síðan árið 2007.
Milli mánaða 2015 og
2016
Umferðin jókst um 4,3% milli október mánaða 2015 og 2016 um
þrjú mælisnið Vegagerðarinnar á höfuðborgarsvæðinu. Þetta er mun hóflegri aukning en úti á
hringvegi þar sem aukningin nam tæpum 11%, sbr. frétt þar um.
Umferðin í nýliðnum mánuði er sú mesta sem mælst hefur á höfuðborgarsvæðinu í októbermánuði.
Frá árinu 2005 hefur umferðin aukist hlutfallslega mest í ágúst mánuði.
Frá áramótum milli
áranna 2015 og 2016
Frá áramótum hefur umferðin nú aukist um 6,5% miðað við sama
tímabil á síðasta ári. Þetta er mesta aukning á höfuðborgarsvæðinu miðað við árstíma
frá árinu 2007. Þess ber að geta að
umferðin nú í ár er nú orðin 14% meiri en hún var á sama tíma árið 2007.
Umferð eftir
vikudögum
Umferðin í október jókst alla vikudaga en mest varð
aukningin á mánudögum eða aukning um tæp 9% en hún stóð nánast í stað á miðvikudögum þar
sem aukningin var einungis 0,1%. Í
október var mest ekið á föstudögum en minnst á sunnudögum. Ef helgar eru
frátaldar var minnst ekið á miðvikudögum.
Horfur út árið 2016
Nú þarf eitthvað mikið að gerast til þess að umferðin aukist
minna 5% en líklega eykst hún um 6,5%. Gangi þetta eftir yrði slík aukning sú
mesta síðan árið 2007.
