Rannsóknarráðstefna Vegagerðarinnar 2005
Ráðstefna haldin á Hótel Nordica í Reykjavík þann 11. nóvember 2005
Þróunarsvið Vegagerðarinnar stóð fyrir ráðstefnu um rannsóknir 11. nóvember 2005, á Hótel Nordica. Ráðstefnan fjallaði að þessu sinni að mestu um rannsóknir sem fengu fjárveitingu úr rannsóknasjóði Vegagerðarinnar árið 2004.
Í setningarávarpi Hreins Haraldssonar, framkvæmdastjóra Vegagerðarinnar, kom fram að þetta væri fjórða rannsóknarráðstefna Vegagerðarinnar á jafn mörgum árum og sú lang fjölmennasta til þessa, með yfir 180 þátttakendum. Fullyrða mætti að ráðstefnan hefði unnið sér fastan sess í starfsemi stofnunarinnar. Bent var á að kveðið væri á í vegalögum að 1% af mörkuðum tekjum til vegamála skuli renna til rannsókna- og þróunarstarfs. Ráðstefnan endurspeglar afrakstur hluta þessa rannsóknar- og þróunarstarfs.
Dagskrá ráðstefnunnar og ágrip flestra fyrirlestranna:
| Setning (Hreinn Haraldsson, Vegagerðin) |
| Samanburður á beinni gjaldtöku og samfélagslegum kostnaði við flutninga (Axel Hall, Hagfræðistofnun HÍ) |
| Áhrifasvið höfuðborgarsvæðisins og helstu þéttbýlisstaða (Bjarni Reynarsson, Land-ráð sf) |
| Hringtorg – hönnun og umferðaröryggi (Haraldur Sigþórsson og Bryndís Friðriksdóttir, Línuhönnun) |
| Hagnýting gagna úr umferðargreinum (Sigurður Erlingsson, Verkfræðistofnun HÍ) |
| Víravegrið: Uppsetning, kostnaður og snjósöfnun (Daníel Árnason, Vegagerðin og Skúli Þórðarson, Orion-Ráðgjöf) |
| Slysatíðni vöru- og hópbifreiða (Skúli Þórðarson, Orion ráðgjöf) |
| Vegarollur og umferðaröryggi (Ólafur Páll Vignisson, laganemi við Háskóla Íslands) |
| Umferðarslys erlendra ferðamanna (Ágúst Mogensen, Rannsóknanefnd umferðarslysa) |
| Aukið aðhald – Aukið umferðaröryggi (ND á Íslandi) |
| Aðferðir til þess að meta landslag (Ólafur Árnason, Línuhönnun) |
| Umhverfis-, öryggis- og heilsumál í útboðsgögnum Vegagerðarinnar (Helga J. Bjarnadóttir, Línuhönnun) |
| Áhrif brúa- og ræsagerðar á ferðir ferskvatnsfiska (Bjarni Jónsson, Veiðimálastofnun) |
| Landris í nágrenni Vatnajökuls (Freysteinn Sigmundsson, Jarðvísindastofnun HÍ) |
| Strandrof og strandvarnir við brúna yfir Jökulsá á Breiðamerkursandi (Helgi Jóhannesson, Vegagerðin og Sigurður Sigurðarson Siglingastofnun) |
| Kötluhlaup niður farveg Markarfljóts (Sigurður Lárus Hólm, Verkfræðistofan Vatnaskil) |
| Handbók um snjóhönnun vega (Skúli Þórðarson, Orion-Ráðgjöf) |
| Afturelding (höfundur, Viktor Arnar Ingólfsson, les úr nýútgefinni bók sinni) |
| Kortlagning á sigi á Siglufjarðarvegi um Almenninga (Þorsteinn Sæmundsson, Náttúrustofa Norðurlands vestra og Halldór G. Pétursson, Náttúrufræðistofnun Íslands) |
| Petroscope, ljóstæknileg aðferð við berggreiningu og mælingu á kornadreifingu og lögun steinefna (Þorgeir Helgason, Petromodel ehf.) |
| Steinefni í vegagerð, mat á efniskröfum og greining fínefna (Pétur Pétursson, Rannsóknastofnun byggingariðnaðarins) |
| Jarðskjálftasvörun brúa á stauraundirstöðum (Bjarni Bessason, Háskóla Íslands) |
| Skrið í íslenskri steinsteypu (Guðni Jónsson, Rannsóknastofnun byggingariðnaðarins) |
