Breiðholtsbraut (413) við Norðurfell - Göngubrú

21.3.2018

Tilboð opnuð 20. mars 2018. Vegagerðin og Reykjavíkurborg óskuðu eftir tilboðum við gerð göngubrúar yfir Breiðholtsbraut við Norðurfell í Reykjavík.

Um er að ræða gerð göngubrúar úr eftirspenntri steinsteypu 95 m yfir Breiðholtsbraut við Norðurfell í Reykjavík. Brúin er steypt bitabrú í 4 höfum þar sem eitt hafið nær yfir Breiðholtsbraut. Í brúnni eru stálsúlur úr ryðfríu stáli og einnig er handrið úr ryðfríu stáli. Einnig er innifalin nauðsynleg færsla á lögnum á meðan á framkvæmdum stendur og uppsetning, rekstur og niðurtekt á viðvörunarbúnaði vegna hárra bíla.

Helstu magntölur eru:

• Gröftur                                                        200 m3
  
• Fylling við steypt mannvirki                     370 m3
  
• Mótafletir                                                    580 m2
  
• Járnalögn, slakbending                        27.000 kg
  
• Eftirspennt járnalögn                             4.000 kg
  
• Uppspenna og grautun                                 3 stk.
  
• Steypa                                                         180 m3
  
• Vatnsvörn                                                   160 m2
  
• Handrið                                                       190 m

Verkinu  skal vera að fullu lokið 1. október 2018.