Dettifossvegur (862), Dettifossvegur vestri - Súlnalækur

10.7.2017

Vegagerðin býður hér með út gerð Dettifossvegar (862-02) frá Dettifossvegi vestri (886-01) og norður fyrir Súlnalæk.

Verkið felst í lagningu burðarlags og klæðingar á 7,72 km kafla, nýbyggingu vegar með klæðingu á 2,7 km kafla og nýbyggingu vegar upp að burðarlagi á 3,4 km kafla. Heildarlengd útboðskaflans er 13,82 km.

 Helstu magntölur eru:

 - Bergskeringar                                             3.650  m³

- Aðrar skeringar                                       163.000  m³

- Skeringar svarðlags                                  15.450  m³

- Fyllingar                                                    166.290  m³

- Fláafleygar                                                  45.820  m³

- Ræsalögn                                                         487  m

- Endafrágangur ræsa                                       22  stk.

- Styrktarlag (neðra burðarlag)                 36.040  m³

- Burðarlag (efra burðarlag)                      17.390  m³

- Klæðing                                                      78.700  m²

- Frágangur fláa                                          82.930  m²

- Frágangur hliðarsvæða                           21.460  m²

Verklok eru 1. september 2018.

Útboðsgögnin verða seld hjá Vegagerðinni Miðhúsavegi 1 á Akureyri og Borgartúni 7 í Reykjavík (móttaka) frá og með þriðjudeginum 11. júlí 2017. Verð útboðsgagna er 4.000 kr.

Skila skal tilboðum á sömu stöðum fyrir kl. 14:00 þriðjudaginn 25. júlí 2017  og verða þau opnuð þar kl. 14:15 þann dag.