Norðausturvegur til Vopnafjarðar - Matsskýrsla
Vegagerðin áformar að leggja nýjan veg um Vopnafjarðarhrepp í Norður-Múlasýslu. Vegurinn verður hluti af Norðausturvegi og verður 24 til 42 km langur, háð leiðarvali. Hann mun tengja Vopnafjörð við Hringveg og liggja frá núverandi Norðausturvegi við Brunahvammsháls að byggðinni í Vopnafirði. Stefnt er að því að framkvæmdir hefjist árið 2007 og þeim verði lokið haustið 2010.
Framkvæmdin fellur undir 5. gr. laga nr. 106/2000 m.s.b. um mat á umhverfisáhrifum, framkvæmdir sem eru ávallt háðar mati á umhverfisáhrifum. Framkvæmdaaðili er Vegagerðin og ber hún ábyrgð á mati á umhverfisáhrifum fyrirhugaðrar framkvæmdar.
Vegagerðin hefur metið umhverfisáhrif vegna fyrirhugaðra framkvæmda í samræmi við matsáætlun og í samráði við ýmsa sérfræðinga. Frummatsskýrsla var lögð fram til athugunar hjá Skipulagsstofnun samkvæmt lögum nr. 106/2000 m.s.b. í janúar 2007. Við athugunarferlið leitaði stofnunin umsagnar opinberra umsagnaraðila og athugasemda almennings. Þann 12. apríl 2007 sendi Skipulagsstofnun Vegagerðinni umsagnir og athugasemdir sem höfðu borist. Fimm athugasemdir bárust. Í kjölfarið hefur Vegagerðin unnið endanlega matsskýrslu sem hér er lögð fram, á grundvelli frummatsskýrslu, þar sem gerð er grein fyrir framkomnum athugasemdum og umsögnum og tekin afstaða til þeirra. Í matsskýrslunni er tilhögun fyrirhugaðra vegaframkvæmda lýst og umhverfisáhrif þeirra metin. Matsskýrslan skiptist í tíu kafla auk þess sem teikningahefti og viðaukar fylgja henni.
Matsskýrslan var send til Skipulagsstofnunar í byrjun júní 2007 en stofnunin hefur 4 vikur til að gefa álit sitt á hvort skýrslan uppfylli lög nr. 106/2000 m.s.b. um mat á umhverfisáhrifum og hvort umhverfisáhrifum sé lýst á fullnægjandi hátt.
Norðausturvegur til Vopnafjarðar - Matsskýrsla
Viðaukar
Fylgiskjöl
Fylgiskjal 01, Landnotkun, tún
Fylgiskjal 04, Votlendi í Vopnafirði
Fylgiskjal 05, Verndarflokkar náma
Fylgiskjal 07, Vægi umhverfisáhrifa
Fylgiskjal 08, Umsögn Vopnafjarðarhrepps
Fylgiskjal 09, Umsögn Byggðastofnunar
Fylgiskjal 11, Umsögn Fornleifaverndar ríkisins
Fylgiskjal 12, Umsögn Landbúnaðarstofnunar
Fylgiskjal 13, Umsögn Landgræðslu ríkisins
Fylgiskjal 14, Umsögn Skógræktar ríkisins
Fylgiskjal 15, Umsögn Ferðamálastofu
Fylgiskjal 16, Umsögn Veðurstofu Íslands
Fylgiskjal 18, Athugasemd frá Sigþóri Þorgrímssyni
Fylgiskjal 19, Athugasemd frá Pétri Valdimari Jónssyni
Fylgiskjal 20, Athugasemd frá Páli Aðalsteinssyni
Fylgiskjal 21, Athugasemd frá Rósu Aðalsteinsdóttur
Fylgiskjal 22, Athugasemd frá Ásmundi Aðalsteinssyni
Fylgiskjal 23, Athugasemd frá Baldri og Friðbirni Hauki Guðmundssonum
Fylgiskjal 24, Bréf frá Skipulagsstofnun
Kort
Gróðurfar
Teikningar