Tilkynning um færð og ástand
Umferðarþjónusta - Tilkynning - 8.12.2017
Færð og aðstæður
Á Suður- og Vesturlandi eru vegir víðast hvar greiðfærir en þó er eitthvað um hálku eða hálkubletti.Það er hálka, hálkublettir eða snjóþekja á vegum á Vestfjörðum.
Hálka eða hálkublettir eru á vegum á Norðvesturlandi en á Norðausturlandi er hálka og snjóþekja. Lokað er á Dettifossvegi.
Á Austurlandi er hálka, snjóþekja og hálkublettir og víða skafrenningur. Ófært er á Öxi og Breiðdalsheiði. Ennþá er nokkuð hvasst í Hamarsfirði.
Hálka eða hálkublettir eru með suðausturströndinni.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda á veginum.
