Tilkynning um færð og ástand
Umferðarþjónusta - Tilkynning - 6.12.2017
Færð og aðstæður
Það er snjóþekja eða hálka á vegum á Suðurlandi og víða éljagangur. Þæfingsfærð er yfir Reynisfjall við Vík en þar snjóar.Á Vesturlandi er hálka eða hálkublettir og víða éljagangur en á Vestfjörðum er víða strekkingsvindur og skafrenningur og hálka eða snjóþekja á flestum leiðum. Þæfingsfærð er á Steingrímsfjarðarheiði og Klettshálsi og ófært á Þröskuldum en þar er unnið að hreinsun. Vegurinn fyrir Hrafnseyrarheiði er lokaður.
Hálka eða hálkublettir eða snjóþekja er á vegum á Norður- og Norðausturlandi og víða éljagangur. Siglufjarðarvegur er ófær eins og er en þar er unnið að hreinsun.
Það er hálka eða snjóþekja á vegum á Austurlandi og með suðausturströndinni er einnig snjóþekja.
Framkvæmdir á Miklubraut
Í dag miðvikudaginn 6.
desember er unnið við að taka niður öryggisgirðingar á
Miklubraut milli Reykjanesbrautar og Grensásvegar. Unnið er frá kl 09.15 og fram eftir degi.
Hraði um vinnusvæðið er lækkaður í 50 km/klst. og eru vegfarendur beðnir að sýna aðgát og virða merkingar.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda á veginum.
