Tilkynning um færð og ástand
Umferðarþjónusta - Tilkynning - 6.12.2017
Ábending frá veðurfræðingi
Suðaustanlands verður sums staðar talsverður bylur og
takmarkað skyggni s.s. frá Skaftafelli og að Jökulsárlóni frá því seint
í nótt og fram eftir morgni að mikið rofar til. Hviður 30-35 m/s staðbundið í Öræfum fram yfir miðjan dag.
Færð og aðstæður
Það eru hálkublettir á Höfuðborgarsvæðinu og hálka á Reykjanesi. Snjóþekja eða hálka er á Suðurlandi og víða éljagangur. Þungfært er á Reynisfjalli við Vík og þar snjóar.Á Vesturlandi er hálka eða hálkublettir en á Vestfjörðum er víða strekkingsvindur og skafrenningur og enn þungfært á flestum fjallvegum og ófært á Þröskuldum.
Á Norður- og Norðausturlandi hálka eða snjóþekja á vegum og víða éljagangur.
Það er hálka eða hálkublettir á flestum vegum á Austurlandi. Með suðausturströndinni er nú víða snjóþekja.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda á veginum.
