Tilkynning um færð og ástand
Umferðarþjónusta - Tilkynning - 5.12.2017
Færð og aðstæður
Það eru hálkublettir víða á Suðurlandi, og sums staðar hálka, einkum á útvegum. Eins er víða nokkur hálka á Vesturlandi, ekki síst á fjallvegum.Víða hefur éljað á Vestfjörðum og þar er ýmist hálka eða snjóþekja.
Á Norðurlandi er víðast hvar hált en við Eyjafjörð og í Þingeyjarsýslum hefur éljað og þar er sums staðar snjóþekja á vegum.
Heldur minni hálka er á Austur- og Suðausturlandi, þar eru víða aðeins hálkublettir eða jafnvel alveg greiðfært.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda á veginum.
