Tilkynning um færð og ástand
Umferðarþjónusta - Tilkynning - 5.12.2017
Framkvæmdir
Í dag þriðjudaginn 5. desember frá kl. 09:15 og fram eftir degi er unnið við að taka niður öryggisgirðingar í Ártúnsbrekku og á Miklubraut.
Hraði um vinnusvæðið er lækkaður í 50 km/klst. og eru vegfarendur beðnir að sýna aðgát og virða merkingar.
Færð og aðstæður
Á Suðurlandi er hálka en hálkublettir eru á Hellisheiði og Þrengslum.Á Vesturlandi og Vestfjörðum er hálka.
Á Norðurlandi er hálka. Eitthvað er um éljagang á Norðausturlandi.
Á Austurlandi er víða greiðfært á Héraði en éljagangur mjög víða, hálka og éljagangur er á Möðrudalsöræfum og hálkublettir eru á Fjarðarheiði, Fagradal og með ströndinni.
Á Suðausturlandi er að mestu greiðfært en hálka og hálkublettir eru nokkuð víða.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda á veginum.
