Umferðarþjónusta - Tilkynning - 31.5.2018
Malbikun á Höfuðborgarsvæðinu
í dag, fimmtudaginn 31. maí er stefnt að því að malbika báðar akreinar í hvora átt á Stekkjarbakka, meðfram Elliðarárdalnum. Kaflanum verður lokað, hjáleið verður um Breiðholtsbraut að vestan og Fálkabakka að austan. Búast má við lítilsháttar umferðartöfum á með á framkvæmd stendur á milli kl. 9:00 og kl. 17:00.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.
Akstursbann á hálendisvegum
Akstursbann er nú á fjölmörgum hálendisvegum og -slóðum sem eru mjög viðkvæmir meðan frost er að fara úr jörð. Því miður ber talsvert á því að ökumenn virði ekki merkingar um þessar lokanir sem settar eru á til að hlífa bæði vegunum sjálfum og náttúrunni í kringum þá fyrir átroðningi og skemmdum sem auðveldlega verða á þessum árstíma. Því er rétt að árétta að það er lögbrot að fara inn á veg framhjá merkinu allur akstur bannaður.
Viðgerð á Miðfjarðarárbrú
Umfangsmikil viðgerð stendur yfir á brúnni yfir Miðfjarðará hjá Laugarbakka og er áætlað að vinnan standi út júlí. Umferð er stýrt með ljósum.