Tilkynning um færð og ástand

Umferðarþjónusta - Tilkynning - 23.5.2018

23.5.2018 13:43

Fræsingar á Höfuðborgarsvæðinu

Í dag, miðvikudaginn 23. maí er verið að fræsa báðar akreinar á Vesturlandsvegi við Leirvogstungu, frá Köldukvísl að Leirvogsá. Annarri akreininni er lokað í einu en umferð er stýrt og aðeins er búist við lítilsháttar umferðartöfum. Áætlað er að vinnan standi yfir til kl 19:00.

Á morgun, fimmtudaginn 24. maí er stefnt að því að fræsa báðar vinstri akreinar á Sæbraut, frá gatnamótum Kringlumýrarbrautar að gatnamótum við Katrínartún. Annarri akreininni verður lokað í einu og umferð stýrt framhjá. Einnig er stefnt að því að fræsa hægri beygjuakrein frá Sæbraut að Kringlumýrarbraut. - Búast má við lítilsháttar umferðartöfum milli kl. 9:00 og kl. 17:00.

Vegfarendur eru beðnir að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.

Akstursbann á hálendisvegum

Akstursbann er nú á fjölmörgum hálendisvegum og -slóðum sem eru mjög viðkvæmir meðan frost er að fara úr jörð. Því miður ber talsvert á því að ökumenn virði ekki merkingar um þessar lokanir sem settar eru á til að hlífa bæði vegunum sjálfum og náttúrunni í kringum þá fyrir átroðningi og skemmdum sem auðveldlega verða á þessum árstíma. Því er rétt að árétta að það er lögbrot að fara inn á veg framhjá merkinu allur akstur bannaður.

Viðgerð á Miðfjarðarárbrú

Umfangsmikil viðgerð stendur yfir á brúnni yfir Miðfjarðará hjá Laugarbakka og er áætlað að vinnan standi út júlí. Umferð er stýrt með ljósum.

Þungatakmarkanir

Vegna hættu á slitlagsskemmdum þarf sums staðar að takmarka ásþunga umfram það sem almennt gerist. Sjá nánar hér.