Umferðarþjónusta - Tilkynning - 22.8.2018
22.8.2018
15:00
Malbikun á Biskupstungnabraut
Fimmtudaginn
23. ágúst er stefnt á að malbika báðar akreinar á Biskupstungnabraut í gegnum Reykholt. Veginum verður lokað, hjáleiðir settar upp og umferð stýrt. Umferð sem kemur að norðanverðu verður send í gegnum
Bræðratunguveg yfir á Skeiða- og Hrunamannaveg en þeim sem eiga
erindi inn í Reykholt verður þó hleypt í gegn. Áætlað
er að framkvæmdirnar standi yfir milli kl. 09:00 til kl. 22:00.
Þingvallavegur lokaður
Þingvallavegur (36) verður lokaður allri umferð milli þjónustumiðstöðvarinnar og eystri gatnamótanna við Vallaveg (361) fram í október.
Hjáleið er um Vallaveg (361)
Sjá nánar hérKísilvegurinn 87 er lokaður
Kísilvegurinn, þjóðvegur 87 er lokaður vegna framkvæmda og verður svo næstu 2-3 daga. Hjáleiðir eru merktar á svæðinu.
Viðgerð á Miðfjarðarárbrú
Umfangsmikil viðgerð stendur yfir á brúnni yfir Miðfjarðará hjá Laugarbakka og því er umferð þar stýrt með ljósum. Brúin hefur reynst í verra ástandi en búist var við og nú er áætlað að vinnan standi fram í síðari hluta september.