Umferðarþjónusta - Tilkynning - 22.2.2018

Lokað

Vegurinn í Álftafirði (milli Djúpavogs og Hafnar) er í sundur vegna vatnavaxta en unnið er að viðgerð.

Fróðárheiði er lokuð vegna veðurs.

Færð og aðstæður

Það er víða snjóþekja eða hálka á Suðurlandi en þæfingsfærð er á Mosfellsheiði, Kjósarskarði, Krýsuvíkurvegi og Bláfjallavegi.

Á Vesturlandi og Vestfjörðum er snjóþekja, hálka eða hálkublettir og éljagangur nokkuð víða. þæfingsfærð er á Bröttubrekku og Kleifaheiði.

Það er hálka eða hálkublettir á vegum á Norðurlandi vestra en á Norðausturlandi og Austurlandi er víðast hvar greiðfært. Einnig er greiðfært með suðausturströndinni að Lómagnúp en þar eru hálkublettir á kafla.

Grjóthrun í Hvalnesskriðum

Vegna mikillar úrkomu hefur verið töluvert grjóthrun í Hvalnesskriðum og eru vegfarendur beðnir að fara varlega.

Vatnavextir í Fáskrúðsfirði

Vatn flæðir yfir veg á þremur stöðum í sunnanverðum Fáskrúðsfirði og eru vegfarendur beðnir að sýna aðgát og fara varlega.

Skemmdir á slitlagi

Í því veðurfari sem hefur gengið yfir að undanförnu hefur borið á skemmdum á slitlagi vega. Vegfarendur eru beðnir um að sýna sérstaka aðgát og haga akstri með tilliti til ástands vegar.

Þungatakmarkanir

Ásþungi

Viðauki 1 hefur verið felldur úr gildi á öllum vegum í Árnessýslu, Rangárvallasýslu og Vestur-Skaftafellssýslu nema á Hringvegi frá Reykjavík að Selfossi.