Umferðarþjónusta - Tilkynning - 22.2.2018

Ábendingar frá veðurfræðingi, 22. feb. kl. 09:45.

Litur: Gulur

Myndarlegir éljabakkar nálgast úr vestri og með þeim hvessir með S 15-20 m/s.  Einkum V-lands, en einnig SV-lands má reikna með að blint verði í hryðjunum frá því um hádegi. SV-lands hlánar síðan í kvöld.   

Færð og aðstæður

Snjóþekja, hálka eða hálkublettir eru á Suð-vestanverðu landinu. Þæfingsfærð er á Mosfellsheiði, Kjósarskarði, Lyngdalsheiði og á Krýsuvíkurvegi.

Á Vesturlandi er snjóþekja, hálka eða hálkublettir og éljagangur nokkuð víða. Þæfingsfærð er á Bröttubrekku.

Á Vestfjörðum er víða hálka eða hálkublettir en snjóþekja á fjallvegum. Þæfingsfærð er á Hálfdán, Mikladal og á Klettshálsi.

Það er hálka og hálkublettir á vegum á Norðurlandi vestra. Snjóþekja og skafrenningur er á Þverárfjalli.

Á Norðaustur- og Austurlandi er víðast hvar greiðfært en hálkublettir yfir Mývatns- og Möðrudalsöræfi. Einnig er greiðfært með suðausturströndinni að Jökulsárlóni en þar fyrir vestan eru hálkublettir og éljagangur.

Skemmdir á slitlagi

Í því veðurfari sem hefur gengið yfir að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.

Grjóthrun í Hvalnesskriðum

Vegna mikillar úrkomu hefur verið töluvert grjóthrun í Hvalnesskriðum og eru vegfarendur beðnir að fara varlega.

Vatnavextir í Fáskrúðsfirði

Vatn flæðir yfir veg á þremur stöðum í sunnanverðum Fáskrúðsfirði og eru vegfarendur beðnir að sýna aðgát og fara varlega.

Þungatakmarkanir

Viðauki 1 hefur verið felldur úr gildi á öllum vegum í Árnessýslu, Rangárvallasýslu og Vestur-Skaftafellssýslu nema á Hringvegi frá Reykjavík að Selfossi.