Umferðarþjónusta - Tilkynning - 21.2.2018

Færð og aðstæður

 Á Suður- og Suðvesturlandi er nú að mestu orðið greiðfært en krapi er enn á Kjósarskarði og flughált á efri hluta Grafningsvegar. Krýsuvíkurvegur er nú opinn en þar er krapi og einbreitt á köflum.

Hálkublettir eru allvíða á Vesturlandi og á Vestfjörðum eru einnig hálkublettir og hálka á flestum fjallvegum.

Á Norðurlandi er mikið greiðfært en hálkublettir á fjallvegum og útvegum. Hvasst á fjallvegum á Norðausturlandi.

Það er víða hálkublettir á Austurlandi en að mestu greiðfært með suðausturströndinni.

Skemmdir á slitlagi

Í því veðurfari sem hefur gengið yfir að undanförnu hefur borið á skemmdum á slitlagi vega. Vegfarendur eru beðnir um að sýna sérstaka aðgát og haga akstri með tilliti til ástands vegar.

Ófært við Norðlingafljót

Ófært er innst á Hvítársíðuvegi (523) við brúna yfir Norðlingafljót þar sem vatn flæðir yfir veg.

Þungatakmarkanir

Ásþungi

Viðauki 1 hefur verið felldur úr gildi á öllum vegum í Árnessýslu, Rangárvallasýslu og Vestur-Skaftafellssýslu nema á Hringvegi frá Reykjavík að Selfossi.