Umferðarþjónusta - Tilkynning - 20.2.2018

Áætlaðar lokanir miðvikudaginn 21. febrúar

Hér í viðhenginu að neðan má sækja skjal þar sem koma fram áætlaðar lokanir vegna veðurs fyrir miðvikudaginn 21. febrúar 2018.

Áætlun um lokun    

Ábendingar frá veðurfræðingi kl. 11:00

Litur: Appelsínugulur
Vakin er athygli á veðurhvelli sem spáð er að gangi hratt yfir landið í fyrramálið. Suðvestanlands á milli kl. 7 og 10 með allt að 23-28 m/s og með snjókomu og slæmu skyggni í efri byggðum og austur frá Reykjavík. Hviður allt að 40 m/s á Reykjanesbraut um kl. 8 og fram yfir kl. 10 á Kjalarnesi og undir Hafnarfjalli.

Færð og aðstæður

Greiðfært er á Reykjanesbraut en hálkublettir og éljagangur er á Höfuðborgarsvæðinu.

Á Suðvestur- og Suðurlandi er hálka, hálkublettir og mjög víða er éljagangur.

Á Vesturlandi er víðast hvar hálka, hálkublettir og éljagangur í uppsveitum Borgarfjarðar.

Hálka og hálkublettir er á flestum vegum á Vestfjörðum. Snjóþekja er á Kleifaheiði, Þröskuldum og Steingrímsfjarðarheiði. Flughált er á Örlygshafnarvegi og yfir Bjarnarfjarðarháls. 

Á Norðurlandi er víða éljagangur en fremur lítið um hálku nema í Húnavatnssýslum. Snjóþekja er á Öxnadalsheiði.

Það er víða hált eða hálkublettir á Austurlandi. Með suðausturströndinni er hringvegurinn að mestu auður.

Ófært við Norðlingafljót

Ófært er innst á Hvítársíðuvegi (523) við brúna yfir Norðlingafljót þar sem vatn flæðir yfir veg.

Þungatakmarkanir

Ásþungi

Viðauki 1 hefur verið felldur úr gildi á öllum vegum í Árnessýslu, Rangárvallasýslu og Vestur-Skaftafellssýslu nema á Hringvegi frá Reykjavík að Selfossi.