Umferðarþjónusta - Tilkynning - 19.10.2017
Ábendingar frá veðurfræðingi 19. okt kl 14.00
Í
tengslum við hægfara skil og aðstreymi af hlýju og röku lofti er spáð
talsverðri rigningu suðaustan- og austanlands í kvöld og nótt. Allt að
70-100 mm á 12-15 tímum og fylgja vatnavextir og hætt við grjóthruni úr bröttum
hlíðum einkum frá Breiðamerkursandi austur í Neskaupstað og á
Seyðisfjörð. Þó rigni mikið er ekki metið svo að um aftakaúrkomu verði að
ræða líkt og í lok september.
Framkvæmdir á Krýsuvíkurvegi
Unnið er við mislæg vegamót Reykjanesbrautar og Krýsuvíkurvegar í Hafnarfirði. Umferð fer á kafla um hjáleið á Reykjanesbraut sunnan Hafnarfjarðar. Leyfður umferðarhraði þar er 50 km/klst. Vegna sprenginga þarf að stöðva umferð á Reykjanesbraut í stutta stund, allt að þrisvar sinnum á dag.
Hálendisvegir
Vegir á hálendinu eru nú flestir orðnir ófærir og allur akstur er bannaður á vegi 864 fyrir austan Jökulsá á fjöllum vegna skemmda á vegi.
