Umferðarþjónusta - Tilkynning - 1.6.2018

Krýsuvíkurvegur (42) við Reykjanesbraut (41)

Í dag, 1. júní 2018, verður Krýsuvíkurvegi lokað tímabundið vegna malbikunar, milli Selhellu og hringtorgs við Hraunhellu  (Seltorg). Merkt hjáleið fyrir umferð er um Selhellu og Hraunhellu á meðan að lokun Krýsuvíkurvegar (42) varir en stefnt er að því opnað verði fyrir umferð síðdegis.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

Truflun á umferð vegna WOW Tour of Reykjavík

Truflun verður á umferð seinnipartinn föstudaginn 1.júní og laugardaginn 2.júní. Bílstjórar eru hvattir til að kynna sér vel lokanir á tourofreykjavik.is. 

Seinnipart föstudags 1. júní  verða umferðartafir á Vesturlandsvegi og Þingvallavegi milli kl.18:00 og 21:00 síðan á Suðurlandsvegi og Breiðholtsbraut milli 21:00 og 23:00. Þá verða Grafningsvegur og Nesjavallarvegur alveg lokaðir frá kl.19:30-21:00.

Akstursbann á hálendisvegum

Akstursbann er nú á fjölmörgum hálendisvegum og -slóðum sem eru mjög viðkvæmir meðan frost er að fara úr jörð. Því miður ber talsvert á því að ökumenn virði ekki merkingar um þessar lokanir sem settar eru á til að hlífa bæði vegunum sjálfum og náttúrunni í kringum þá fyrir átroðningi og skemmdum sem auðveldlega verða á þessum árstíma. Því er rétt að árétta að það er lögbrot að fara inn á veg framhjá merkinu allur akstur bannaður.