Umferðarþjónusta - Tilkynning - 16.10.2017

Færð

Hálkublettir eru nokkuð víða á Vestfjörðum og Norðurlandi og á Austurlandi eru hálkublettir á Fjarðarheiði og Hellisheiði eystri.

Framkvæmdir á Suðurlandsvegi

Í dag mánudaginn 16. október verður unnið við viðgerðir á Suðurlandsvegi austan Selfoss, á milli Villingaholtsvegar og Skeiða- og Hrunamannavegar.  Þrengt verður að umferð við vinnusvæðin og umferð stýrt framhjá ef þarf á meðan framkvæmdum stendur. Vinnan fer fram frá kl. 9:30 og fram eftir degi.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

Lokun á Hvalfjarðargöngum

Hvalfjarðargöng verða lokuð fyrir umferð í þrjár nætur í þessari viku (42. viku) vegna viðhalds og hreingerningar.

Lokað verður aðfaranætur þriðjudags 17., miðvikudags 18. og fimmtudags 19. október frá miðnætti til kl. 6 að morgni.

Það er árlegur viðburður í rekstri ganganna að loka þeim í nokkrar nætur að vori og hausti af þessu tilefni. Lokun nú er því hefðbundin ráðstöfun og beðist er velvirðingar á óþægindum sem hún kann að valda.

Framkvæmdir á Krýsuvíkurvegi 

Unnið er við mislæg vegamót Reykjanesbrautar og Krýsuvíkurvegar í Hafnarfirði. Umferð fer á kafla um hjáleið á Reykjanesbraut sunnan Hafnarfjarðar. Leyfður umferðarhraði þar er 50 km/klst. Vegna sprenginga þarf að stöðva umferð á Reykjanesbraut í stutta stund, allt að þrisvar sinnum á dag.

Hálendisvegir

Vegir á hálendinu eru nú flestir orðnir ófærir og allur akstur er bannaður á vegi 864 fyrir austan Jökulsá á fjöllum vegna skemmda á vegi.