Umferðarþjónusta - Tilkynning - 15.6.2018

Framkvæmdir á Höfuðborgarsvæðinu

Í dag, föstudaginn 15. júní, er verið að fræsa og malbika vinstri akrein og öxl á Reykjanesbraut við Hvassahraun, í átt að Keflavík. Þrengt er um eina akrein og búast má við lítilsháttar umferðartöfum fram til   kl. 18:00.

Vegfarendur eru beðnir að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.

Lokanir í jarðgöngum undir Breiðadalsheiði

Vegna vinnu við vatnsvarnir verður Breiðadalsleggur (til/frá Önundarfirði) lokaður yfir nóttina virka daga, frá miðnætti  til kl. 7:00. - Óljóst er hversu langan tíma þetta tekur en reikna má með megninu af júní. Þetta hefur ekki áhrif á umferð milli Súgandafjarðar og Skutulsfjarðar.

Akstursbann á hálendisvegum

Akstursbann er enn á allmörgum hálendisvegum og -slóðum sem eru mjög viðkvæmir meðan frost er að fara úr jörð. Því miður hefur borið á því að ökumenn virði ekki þessar lokanir sem settar eru á til að hlífa bæði vegunum sjálfum og náttúrunni í kringum þá fyrir átroðningi og skemmdum sem auðveldlega verða á þessum árstíma. Því er rétt að árétta að það er lögbrot að fara inn á veg framhjá merkinu allur akstur bannaður. Sjá nánar hér