Umferðarþjónusta - Tilkynning - 11.10.2017

Færð og aðstæður

Hálkublettir eru nú á Hellisheiði og á nokkrum útvegum á Suðurlandi og Reykjanesi. Hálka er á Nesjavallaleið og í Kjósarskarði.

Framkvæmdir á Hellisheiði

Í dag, miðvikudaginn 11. október verður unnið við viðgerðir á Hellisheiði milli Kamba og Þrengslavegar  Lokað verður fyrir umferð til Reykjavíkur um Hellisheiði við Hveragerði og umferð beint um Þrengsli. Vinnan fer fram frá kl. 9:00 – 14:00.

Seinna í dag verður unnið við viðgerðir á ytri akrein milli Lögbergsbrekku og Bláfjallaafleggjara. Þrengt verður að umferð við vinnusvæðin og umferð stýrt framhjá ef þarf á meðan framkvæmdum stendur. Vinnan fer fram frá kl. 14:00 og fram eftir degi.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

Hálendisvegir

Færð á hálendisvegum hefur spillst og hafa margir þeirra orðið ófærir. Við bendum vegfarendum á að fylgjast vel með færðarkortinu og veðurspá ef þeir ætla inn á hálendið.

Þjóðbraut lokuð ofan Smiðjuvalla

Vegna vinnu við hringtorg í Reykjanesbæ er Þjóðbraut nú lokuð ofan Smiðjuvalla. Eðlileg umferð er á hringtorgi við Aðalgötu. Hjáleið er um Smiðjuvelli og Aðalgötu, eða Grænásveg. Verklok eru áætluð 10. október. 

Framkvæmdir á Krýsuvíkurvegi 

Unnið er við mislæg vegamót Reykjanesbrautar og Krýsuvíkurvegar í Hafnarfirði. Umferð fer á kafla um hjáleið á Reykjanesbraut sunnan Hafnarfjarðar. Leyfður umferðarhraði þar er 50 km/klst. Vegna sprenginga þarf að stöðva umferð á Reykjanesbraut í stutta stund, allt að þrisvar sinnum á dag.

Vaðlaheiðarvegur

Vaðlaheiðarvegur 832 er opinn að hluta, þ.e. 12 km kafli upp úr Eyjafirði en vegna framkvæmda við Vaðlaheiðargöng í Fnjóskadal er ekki hægt að láta umferð fara um vinnusvæðið við Skóga. Því er veginum lokað við Ytra Nesgil og öll umferð upp úr Fnjóskadal er bönnuð.